Der ingen finn oss

Mathias Nyhagen Asplund

Mathias Nyhagen Asplund (f. 1988) er skodespelar og forfattar fra Bodø. Asplund debuterte med barneboka Der ingen finn oss i 2018, som han blei tildelt Kulturdepartementet si debutantpris for barne- og ungdomslitteratur. I 2021 ga han ut diktsamlinga Eins pust.

Bli med på ei reise inn i fantasien! Til ein stad der ingen finn oss ...

Han er sjuk, så sjuk at han ikkje går på skulen. Ho trivst ikkje på skulen, dei andre er ikkje greie mot henne. Dei to møtest mellom blokkene, og han tar henne med inn i fantasien, inn i eventyr dei skapar sjølv. Dei vil heller vere i fantasien enn i den verkelege verda. Der er dei sterke, der kan dei gjere som dei vil!

Mathias Nyhagen Asplunds debutbok DER INGEN FINN OSS skil seg ut på alle måtar. Det er ei stilfaren og tenksam, men også fantasifull og fabulerande bok, som grip tak i lesaren og ikkje slepp taket. Mathias Nyhagen Asplund har eit særeige språk og ein levande fantasi som overtyder alle som les boka om at fantasi er viktig. Viktigare enn å følgje reglar og å gjere ting «rett».

Bli med på ei reise inn i fantasien! Til ein stad der ingen finn oss ...

"Ei sterk og vond forteljing om å flykte inn i fantasien når røynda blir for vanskeleg å takle. Debutboka til Mathias Nyhagen Asplund blir sitjande att i kroppen etter enda lesing."
"Både i tone og tematikk steller Asplund seg på akslene til Astrid Lindgren og Jostein Gaarder, som har skildra sjukdom og fantasirike i Brødrene Løvehjerte, Mio min Mio og I et speil, i en gåte. Samstundes lykkast han i å tilføre noko særeiget til tematikken, eit preg som er berre hans.

Gjennom å la lesaren få følgje hovudpersonane inn i eventyra dei sjølv skaper, syner Der ingen finn oss korleis fantasien kan tre fram som ei reddande kraft når ein treng den som aller mest."

"Debutboka, Der ingen finn oss, til Mathias Nyhagen Asplund er ei tenkande bok som handlar om å finne trøyst gjennom fantasien. For der kan vi alle vere sterke."

"Boka var veldig lett å leve seg inn i, og ho var vanskelig å leggje frå seg. Ho starta ikkje så brått og handlinga byggjer seg opp utover i boka. Boka hadde eit viktig emne og det var: – aldri gi opp.

Eg synest absolutt at andre burde lese denne boka!"

"Der ingen finn oss, er ei tenkande bok som handlar om å finne trøyst gjennom fantasien. For der kan vi alle vere sterke."

Handlekurv

Handlekurven er tom

Handlekurv

Handlekurven er tom

Meny

Mathias Nyhagen Asplund

Flere bøker av samme forfatter

vandre heim

eins pust

Der ingen finn oss

Der ingen finn oss