Diktaren i bombeflyet

Skjeldal skriv særs god nynorsk sakprosa. Dessutan med sterke innslag av litterære kvalitetar, der han lagar korthogne setningar kontrastfullt sette opp mot kvarandre.
Arild Pedersen, Dag og Tid

Skjeldals meget grundige og etterrettelige biografi stiller relevante spørsmål til venstresiden den dag i dag (...).
Gro Jørstad Nilsen, Bergens Tidende

[...] de historiske og politiske perspektivene gjør boken interessant for langt flere enn dem som er opptatt av Nordahl Grieg som forfatter.
Espen Grønlie, Morgenbladet

Diktaren Nordahl Griegs liv er på same tid eventyrleg, og hektisk. Historia startar i Bergen i 1902, går om Kapp det gode håp, Alta, Oxford, Shanghai, Paris og Reykjavik, så Moskva og Madrid, og endar i eit fly over Berlin i 1943. Han var forfattar og reporter, ein verdsborgar og ein patriot, som valde å kjempa for sovjetkommunismen og mot fascismen.

Grieg er opphavsmann til nokre av dei viktigaste dikta i nyare norsk historie. Eitt lese på radioen den 17. mai 1940, då Norge var kutta i to. Andre slept som flygeblad frå London. Samlingar løynde i botnen av eplekasser. Utvalde vers som nordmenn sette om til tysk, og blei dømt til døden for.

Dikt lesne for norske soldatar i Afghanistan den 17. mai 2010.

Dikt ungdommar song då dei sumde frå Utøya den 22. juli 2011.

Kvar hentar desse dikta krafta frå? Kvar henta Nordahl Grieg krafta frå?

Gudmund Skjeldal

Gudmund Skjeldal (f. 1970) arbeider som historikar ved Norges idrettshøgskule. Han har vore slåttekar og skiløpar, lektor og klimakampanjeleiar, journalist og kommentator. Han er forfattar av 13 bøker, så som dei kritikarroste Den siste langrennaren (2005), Diktaren i bombeflyet, ein biografi om Nordahl Grieg (2012) og Wimbledon: Der graset er grønast (2017).