Ingrid Nestås Mathisen er førsteamanuensis ved Høgskulen på Vestlandet. Her underviser ho i litteratur i grunnskulelærarutdanninga. Mellom Mathisen sine forskingsinteresser er tema som klasse, kropp og kjønn i litteratur for barn, unge og vaksne. Siste publikasjonar er artiklane «På gull- eller sølvfat? Fattigdomsproblematikk og kritisk lesing på 7. trinn» (2023), saman med Gro Ulland i Barnelitterært forskningstidsskrift, og «Kroppsspetakkel. Arbeidarkvinnas uynskte graviditetar vedkjem individet og kollektivet», i Politikk, kunst og kjærlighet. Nye perspektiver på Torborg Nedreaas’ forfatterskap (2023), Neple, Jegerstedt & Michelsen (Red.).

Anne-Stefi Teigland er dosent i norsk ved Høgskulen på Vestlandet, med barne- og ungdomslitteratur som spesialfelt. Siste publikasjon er Med blikk for humor (2024), ein forskingsantologi ho har redigert saman med Ingrid Nestås Mathisen, og der ho også har eit eige bidrag: «Einspora optimisme, ein studie av den barnelitterære nerden som litterært grep».