Tøddel Blisterplytt

Rune Belsvik

Rune Belsvik er fødd i Haugesund i 1956 og oppvokst på Stord. Han bur nå i Randesund ved Kristiansand. Rune Belsvik debuterte i 1979 med Ingen drittunge lenger, som han også fekk Noregs mållags pris for i 1980. For barnebøkene om Dustefjerten har Belsvik fått Kulturdepartementets litteraturpris. Dustefjerten er òg kjend frå barnetimen i NRK.
Rune Belsvik blei tildelt Brageprisen 2000 for beste ungdomsbok, og har eit breitt og mykje verdsett forfattarskap bak seg. Han har dikta ei vedunderleg forteljing -Verdas mest forelska par (2001) - for barn og vaksne om kjærleikens magi og utfordringar, og om kva som kan henda når forelskinga skal på utstilling.

Dette er den andre forteljinga frå Bløygen. I Bløygen har dei alt, men keisemda ligg på lur.

"Alle som budde i Bløygen syntes lenge dei budde på den beste staden i verda. Dei hadde ordfører. Dei hadde buss. Dei hadde tre butikkar, ein trøbbelkiosk, ein lyktestolpe, ein bussjåfør og ei avis.

Det budde tretten folk i Bløygen. Dei hadde eit kor, ein veg og ei bru. Dei hadde ei elv som rann under brua. Dei hadde seg sjølv, og dei hadde kvarandre.

- Ja, her har vi det godt, sa dei.

- Ja, her er det trygt og fint!

- Her kosar vi oss og har det triveleg, ja!

- Ja, nei her er det ikkje mykje kjedeleg!

- Kjedeleg her, nei!"

Men Keisemda ligg på lur. Ho ser alt og ho høyrer alt. Kva skjer med dei tretten folka i Bløygen om Keisemda slår kloa i dei? Kva skjer til dømes med ordføraren Rosina Myrl, eller med Bidger og Esmiluni, som var så utruleg forelska i den fyrste forteljinga frå Bløygen, VERDAS MEST FORELSKA PAR?

Dette er den andre forteljinga frå Bløygen. I Bløygen har dei alt, men keisemda ligg på lur.